3 добри причини да купувате тонери и кертриџи онлајн

Кога купувате принтери веројатно доста истражувате претходно за да го најдете принтерот што највеќе ви одговара по најдобра цена. Но колку често го правите истото кога купувате инк кертриџи или тонер касети.

Повеќето луѓе едноставно одат до локалната продавница за потрошни материјали и си купуваат инк кертриџи или тонер касети на регуларна основа, трошејки по неколку илјади денари годишно без ниту секунда да размислат за тоа. Но еве, читајќи ја оваа статија барем Вие ќе видите колку купувањето онлајн е не само лесно, туку доаѓа и со значителни заштеди на трошоците.

Еве три добри причини да купувате инк кертриџи и тонер касети онлајн:

1. Купувајте од било каде, било кога. Да одите до продавницата за тонери зема време и енергија. Со цените на горивата што редовно се покачуваат и со сообраќајот во Скопје што знаеме каков е, тоа навистина може да биде главоболка. Штом конечно стигнете таму, има голема веројатност да начекате гужва и чекањето ќе биде максимално фрустрирачко. Купувањето на принтер или тонер онлајн е голема предност бидејќи не сте ограничени тоа да го сторите во одредени работни часови. Тоа можете да го направите 24/7. Со системот за пребарување на интернет продавницата како mojtoner.mk доволно е само да го одберете вашиот модел на принтер или бројот на потрошниот материјал (тонер/кертриџ) и ќе добиете разни опции од различни производители со потрошни материјали за повеќе или помалку страници, со спецификации итн. Можете да споредувате цени, да одбирате бои, да видите колку отпечатени страни добивате со некој конкретен производ и сето тоа да го направите од удобноста на вашиот дом или канцеларија со само неколку кликови. 
2. Заштедите пари. Купувањето на мало значи да платите повеќе од вредноста на самиот производ. Физичка продавница има сметки и вработени за плаќање. Од друга страна онлајн продавниците тука заштедуваат и таа заштеда се пренесува на крајните потрошувачи. Тука повторно се во игра потрошените пари за превоз кои често се поголеми отколку испораката до дома.
3. Споредете ги вашите опции. Купувањето онлајн за инк кертриџи или тонери ви овозможува да споредите разни опции како ОЕМ (оригинални) инк кертриџи или тонери, компатибилни инк кертриџи или тонери и преработувани (полнети) инк кертриџи или тонери. Фирмите како Аполо носат компатибилни инк кертриџи или тонери по многу добри цени но покрај добрите цени Аполо нуди и гаранции  и поддршка и е на пазарот повеќе од 10 години со презадоволни клиенти. Затоа не двоумете се и користете ја интернет продавницата на Аполо – mojtoner.mk 

Кој е најмалиот преносен принтер?

Во последно време во западниот свет се појави тренд на побарувачка на што е можно помали преносни принтери. Таквите малечки преносни принтери ги бараат компаниите што имаат продажни тимови на терен и за нив не е потребно ништо што е фенси и повеќето не ни бараат бои. Тие само сакаат нешто што е ефтино, доверливо и може да ја заврши работата кога некој има потреба да испечати нешто додека е на лет од некое бизнис патување или има потреба да испечати договор во истиот момент!

PlanOn го претстави она што тие го нарекуваат „најмалиот преносен Bluetooth и USB принтер во светот што печати целосна страница“ и го нарекоа PrintStik. Овој модел нуди cloud базирана мобилна апликација која им овозможува на Android и на BlackBerry корисниците да печатат безжично преку Bluetooth. Корисниците исто така можат да печатат преку USB конекција од било кој уред со USB функционалност. Користи термална хартија така што нема да се грижите за да купувате инк кертриџи (мастило) и дали имате доволно мастило. Предложената малопродажна цена за нашиот пазар би била помеѓу 200 и 400 евра во зависност од моделот.

PlanOn има извонреден веб-сајт за нивниот производ, затоа во продолжение се линковите за да проверите сами за што станува збор.

http://www.planon.com/home
http://www.planon.com/products/printstik

Претпоставувам дека, фамозната изрека „Големината навистина е важна“ навистина значи нешто во овој случај.

Што всушност е 3D печатење?

Што доколку постоеше технолошки уред кој кога е поврзан со вашиот компјутер би можел да печати цврсти предмети. Ако ви звучи нешто како од „Star Trek“ размислете повторно! Иако сме далеку од нивото на телепортацијата од „Star Trek“, 3D печатењето е реалност и има потенцијал да го измени светот што го знаеме.

Што е 3D печатење?

Ако никогаш не сте слушнале за 3D печатење, не е изненадувачки. Иако технологијата се користи во индустријата околу 30 години, 3D печатачите за крајните потрошувачи и за малите бизниси почнуваат да земаат замав од неодамна. На кратко, 3D печатењето е адитивна произвотствена техника која се користи за градење на објекти во повеќе слоеви. Откако еден слој е испринтан и создаден, се појачува, се додава друг слој и така натака. Овој процес може да трае неколку часови, но сепак крајниот резултат е опиплив 3D објект.

За што се користи 3D печатење?

Најчестата употреба на оваа технологија е да создаде брзи прототипи во рамките на индустриската област. Овие прототипи се докажало дека се многу корисни за архитектите, производителите на автомобили итн. Значи изводливо е индустриските 3D печатачи да креираат финални производи – особено во случај на метални предмети. Традиционално, обработката на метални компоненти би започнала со парче метал поголемо од готовиот дел. Од ова парче метал би се отстраниле деловите каде што треба да има дупки и заоблувања. Замислете сега дека со користење на 3D печатач би го добиле првиот дел со сите вдлабнувања, дупки и контури финиширан! Заштедите во време и материјал кои можат да се реализираат се огромни.

Потрошувачки-ориентирани 3D печатачи, од друга страна, пак, обично се користат за хоби и лични интереси. Овој тип на 3D печатење е повеќе за уживање во гледањето на она што може да направите со оваа нова технологија. Дури и мал десктоп 3D печатач би чинел преку 2000 $ но доколку сакате да бидете први во вашата населба што поседувате 3D принтер и сакате да ги совладате новите технологии, може ќе најдете оправдување за цената.

Кои методи се користат во 3D печатењето?

Постојат неколку различни методи за печатење на 3D објекти од кои можете да бирате. Овие опции се базираат според материјалот за печатење, бројот на посакувани бои, преферираната резолуција и цената. Еве неколку од најчестите техники користени за печатење во 3D:

• Моделирање со топење и напластување (Fused deposition modeling) – Ова е најчестиот метод кој се користи во 3D печатењето. Моделирање со топење и напластување (Fused deposition modeling - FMD) користи калем/навој од или пластична или метална жица која што се топи и се поставува од млазникот на печатачот. Материјалот брзо се стврднува, пред да се додаде следниот слој.

• Инкџет печатење – Овие модели се најслични со уредите кои веќе се користат во домовите и канцелариите за стандардното 2D печатење. Со користење на специјални мастила (како смоли и врзива), еден 3D инкџет печатач ќе изгради објект преку напластување на слоеви (layering). Овие печатачи се единствените од ваков вид што овозможуваат боење по желба.

• Селективно ласерско синтерирање (синтерирање е процес на претворање на материјал од прав во цврста или порозна маса со процес на загревање (често и комресирање) без ликвификација). Со селективно ласерско синтерирање (SLS), материјалот во прав може да биде од метал, пластика, керамика или стакло. SLS користи пулсирачки ласер за да „нацрта“ пресек на објектот што треба да биде испечатен. Веднаш штом се фузира правта, се формира друг слој на горниот дел. Овој метод вообичаено се користи во индустрискиот сектор, бидејќи се бара употреба на моќен ласер.

• Дигитална светлосна обработка – Најчесто рефериран како DLP (Digital light processing), овој метод на печатење конвертира буре од полимер во силен цврст материјал со помош на изложување на светлина. Со користење на овој метод може да се постигне огромна прецизност и резолуција. Како SLS, овој метод генерално се користи во индустриската област.

Која е иднината 3D печатењето?

Тоа ќе потрае некое време, но целта на 3D печатењето е да го смени начинот на кој светот води бизнис и содејствува. Еден ден технологијата ќе ни овозможи да создадеме буквално се – од алатки до играчки и се помеѓу нив. Можеби во иднината ќе можеме да праќаме по факс материјални објекти, елиминирајќи ја потребата од поштенски услуги и пакети. Само времето ќе каже што оваа технологија може да постигне за нас, но иднината може да биде многу поблиска отколку што мислите!

Симптоми, проблеми и решенија за ласерски принтери - втор дел:

Механички симптоми.

Доколку проблемот не е квалитетот на отпечатокот, веројатно е механички проблем, еве неколку чести механички проблеми:

Лошото повлекување на хартија е најчестиот проблем од механичка природа. Понекогаш принтерите не успеваат да ја повлечат хартијата од фиоките, а понекогаш две хартии можат да се залепат и така настанува заглавување. Постојат неколку причини и поправки за лошото повлекување кои ќе ги посочиме во оваа статија.

• Доколку типот на хартија не е поддржан од страна на принтерот или пак хартијата е премногу тешка, премногу лесна или премногу мазна ќе ви се случува лошо повлекување и заглавување на хартијата. Решението би било користењето на тип на хартија што е поддржан од производителот и наведен во спецификацијата на принтерот. Бидете особено внимателни доколку печатите лабели/декларации бидејќи има принтери кои едноставно не го повлекуваат овој тип на хартија и предизвикуваат разни проблеми, вклучувајќи лошо повлекување и лепење на лепливата хартија на ролерите.

• Доколку листовите се лепат помеѓу себе, едноставно одвојте ги и издувајте ги за да се намали виткањето и лепењето.

• Доколку се повторува лошото повлекување на хартијата, можеби причината за тоа да бидат слаби федери во фиоката за хартија. Еден трик што можете да го пробате е да ставите поголема количина на хартија во фиоката за да ги притиснете федерите. Доколку ова не профункционира и не ги „измами“ федерите тогаш веројатно треба да ги замените нив или целата фиока. Доколку сте викнале техничар да го направи ова за вас, осигурајте се дека ќе ги провери и ролерите, бидејќи загреани ролери може исто така да бидат причина за повторливо лошо повлекување на хартија.

Заглавување на хартија

Еден многу чест проблем што го гледаме е заглавување на хартијата. Се случува кога хартијата не поминува соодветно низ принтерот. Заглавувањата настануваат кога се користи погрешен тип на хартија, кога хартијата е влажна, кога има мали парчиња хартија внатре во принтерот кои останале од претходни заглавувања, но често се чини и дека без некоја посебна причина хартијата се заглавува. Верувајте, толку често се случува да се заглави хартијата „без конкретна причина“ што е повеќе отколку што можете да замислите. Како и да е, секогаш најдоброто решение е темелно да се исчисти принтерот.

Изобличен отпечаток

Изобличените отпечатоци се јавуваат кога отпечатениот текст или слика не е во рамка како што треба да биде. Најчесто вината за вакавиот принт е во погрешното ставање на хартија во фиоката. За да се корегира проблемот, отстранете ја хартијата од фиоката, исправете ги рабовите на хартијата и повторно ставете ја во фиоката точно во рамките како што е впрочем и обележано во фиоката.

Проблеми со слики

Има неколку различни типови на проблеми со слики а ние овде ќе се обидеме да укажеме на оние најчестите на кои најверојатно ќе наидете.

Испечатената слика не е онаа која што сте ја испратиле од вашиот компјутер. Оваа грешка е обично на компјутерот а не на принтерот. Поради некоја причина компјутерот му пратил погрешни команди на принтерот. Ова не е проблем на принтерот туку на компјутерот па во ваков случај повикајте некој од IT.

Измешани податоци/текст е уште еден од честите проблеми што нормално е предизвикано од комуникациска грешка кога командата се праќа на принтерот. Најдобро е и во овој случај да повикате некој од IT но има некои решенија кои би можеле и сами да ги пробате. Проверете дали кабелот од принтерот и добро приклучен а ако е лабав, приклучете го добро, ресетирајте го принтерот и повторно испечатете го документот. Потоа можете да проверите дали комуникациските подесувања помеѓу принтерот и компјутерот се во ред и испечатете една тест страна како потврда за тоа. Ако и тоа не помага, тогаш принтерот може да има контролер кој не работи како што треба и во тој случај треба да го поправи сервисер за принтери.

Изгубени карактери се најчесто комуникациска грешка, пробајте да ги следите истите чекори предложени за случајот за измешани податоци.

Погрешен фонт, комуникациска грешка, софтверска грешка или фонт што недостасува – повикајте некој од IT.

Поделена слика – се мисли на случаи каде што сликата е поделена и опфаќа две страници. Причина за ова може да биде откажување на дел од принтерската меморија или немање доволно меморија за печатење на комплексни графички работи. За да се реши овој проблем потребно е да се инсталира повеќе меморија во принтерот.

Поделен текст – оваа состојба е ретко предизвикана од принтерот но може да се појави кога има недостаток од меморија за печатење на голем број на карактери. Најдобар можен начин за решение на овој проблем е да пробате да инсталирате дополнителна меморија на принтерот.

Ова се некои доста чести проблеми и нивни решенија, но доста важно е да знаете дали проблемот што ве мачи доаѓа од компјутерот или од принтерот. Ако веќе ништо од понуденово не ви помага, јавете ни се на нас бидејќи ние имаме докажани експерти од остручени за поправка на сите типови на принтери.

Симптоми, проблеми и решенија за ласерски принтери - Прв дел:

Мора да се согласиме сите дека принтерите се едни од најисфрустрирачките парчиња опрема што ги поседуваме во нашите канцеларии. Сигурен сум дека секој работник во канцеларија барем еднаш посакал да грабне една од тие машини направени во пеколот и да ја фрли од трети спрат. Верувале или не имам видено и технички лица како понекогаш им доаѓа да си кубат коса бидејќи иако ги направиле сите процедури правилно за да проработи принтерот, тој сепак уште го има истиот проблем.

Со сите тие ласерски принтери што денес можете да ги сретнете, навистина е невозможно да се остане во чекор со сите проблеми што може да ви се случат, особено тоа е случај со канцелариските работници кои се трудат да си ја завршат нивната работа. Но сепак постојат некои универзални симптоми на ласерските принтери кои што можат лесно да се поправат без разлика на марката или моделот. Дури и да не сакате да примените некои од овие решенија, барем ќе знаете што се случува што ќе направи да биде многу полесно објаснувањето на некое техничко лице. Во оваа статија ќе идентификуваме некои од најчестите симптоми кои што се појавуваат кај ласерските принтери и ќе ги откриеме изворите на овие проблеми и симптоми.

Лошиот квалитет на печатењето е веројатно еден од најчестите проблеми што ги слушаме од нашите потрошувачи, и во продолжение има некои брзи поправки за најчестите проблеми и симптоми.

Симптом: Нејасен или матен принт е вообичаено предизвикан од влажна хартија.

Решение: Пробајте со печатење на свежо отпакувана хартија што не била изложена на било каков тип на влага.

Симптом: Степенот на црно варира низ страната. Ова исто така е познато како хоризонтална променлива густина на печатење. Ова може да биде предизвикано од малку тонер во касетата. Други причини што може да го предизвикаат ова се навален принтер или доколку принтерот е блиску до светлосен извор.

Решение: Извадете го и протресете го принтерот за да се редистрибуира тонерот внатре во касетата. Поместете го принерот на рамна површина или помалку осветлена површина.

Симптом: Вертикална променлива густина на печатењето е уште еден типичен проблем.

Решение: Можно е да е чист ролерот, затоа едноставно исчистете го.

Симптом: Сив отпечаток (принт) често е резултат на две причини: Или сетинзите за густината треба да се подесат или OPC драмот е проблематичен.

Решение: Заменете ја тонер касетата.

Симптом: Сива позадина или црните делови се појавуваат како сиви. Ова генерално се случува кога се нанесува премногу тонер.

Решение: Во подесувањата намалете ја густината.

Симптом: Точки на страната што се појавуваат на исто растојаните (голем интервал над 7 сантиметри). Ова генерално е предизвикано од гребнатина или дупка во OPC драмот.

Решение: Заменете ја тонер касетата.

Симптом: Точки на страната што се појавуваат на исто растојаните (мал интервал под 7 сантиметри). Ова може да е предизвикано од тонерот или од фузерот.

Решение: Заменете го чистачот на фузерот, исчистете го фузерот или заменете го фузерот.

Симптом: Дамки на листот можат да се појават од нечистотија или истурен тонер во принтерот.

Решение: Исчистете го принтерот.

Симптом: Тонерот се размачкува кога ќе се протрие хартијата.

Решение: Проверете го и заменете го фузерот.

Нова технологија која ќе спречи вашиот кертриџ да се исуши

Еден од тековните проблеми со инкџет кертриџите е дека ако не се користат доволно често, мастилото што ќе остане внатре во секој од микроскопските млазници во главата на кертриџот ќе се исуши. Ајде за момент да се вратиме на една брза лекција за глави на кертриџи. На сите инкџет принтери, она што всушност го капнува мастилото на хартијата е тоа што се нарекува глава. Постојат глави што се прикачени на самите кертриџи но и глави што се вградени во внатрешноста на принтерот.

Ова е пример на кертриџ со глава:

(А) Електрониката која што ја добива информацијата од компјутерот што и кажува на главата (В) колку мастило и каква боја мастило да испука од секој млазник. Може да има од 600 до 1200 микроскопски млазници на една глава од кертриџ.

Ова е пример на кертриџ без глава, кои се всушност само резервоари на мастило:

Во двата системи млазниците можат да се запушат со исушено мастило, најчесто од нередовно користење на принтерот. Некористењето на принтерот е смртоносно и е главната причина за запушувањето на млазниците. Има ли начин да се спречи запушувањето? Тим од инженери од Универзитетот во Мисури иновираа млазница што спречува запушување а нивната инспирација беше човечкото око. Како филм од масло што го спречува сушењето на човечкото око, така новите млазници користат капки на силиконско масло за покривање на отворот на млазниците додека не се во употреба. Бидејќи инкџет млазниците се толку мали и основата во која што се поставени е многу ограничувачка област, обидот да се копира движењето на очниот капак не доаѓа во предвид. Она што иноваторите го направија беше движење на маслото преку млазниците со помош на електрично поле.

Еден од членовите на иноваторскиот тим го објасни на следниов начин, „Покривката на млазниците што ја измисливме беше инспирирана од човечкото око. Окото и млазникот на инкџетот имаат ист проблем: не смеат да се исушат но сепак треба да бидат отворени. Ние користевме биомимикрија, имитација на природата за да решиме човечки проблеми“. Повеќето инкџет принтери ќе се обидат да ги исчистат млазниците со форсирање на рафал од мастило низ нив, но ова е скапо и се троши мастило непотребно. Со други зборови, мастилото што го плаќате многу скапо го користите како раствор за чистење! Да напоменеме дека овој метод на чистење на млазниците троши многу мастило! Значи плаќаме многу скапо мастило и потоа го користиме како раствор за чистење на запушените млазници. Па мора да постои подобар начин!

Може се прашувате зошто компаниите што ги изработуваат овие инкџет кертриџи не размислиле на оваа тема или зошто не најмиле тим на стручњаци кои би поработеле на оваа проблематика. Одговорот е едноставен, повторно е лакомост во прашање. Еден од најпознатите производители на инкџет принтери е познат по тоа што користи огромни количини на мастило за да ги исчисти нивните инкџет глави кои што се склони на запушување. Има случаи низ светот каде што потрошувачи купуваат цел сет на кертриџи во обид да ги отпушат инкџет главите и истите да дојдат следниот ден по нов сет бидејќи потрошиле цел сет во обид да ја отпушат главата на принтерот! Ова е win-win за тој производител. Ако оваа постапка не им профункционира треба да направат одлука – да купат повеќе мастило или да се откажат и да го фрлат принтерот и да купат нов принтер. Во најмала рака ова не е воопшто еколошки!

Доколку оваа технологија проработи, се прашувам какви се шансите принтерските гиганти да го прифатат решението. Моето мислење е дека нема да направат ништо, а впрочем зошто би направиле? Зошто би се откажале од дел од продажбата на мастило за печатење? Во случај пак главата да е вградена во принтерот и таа да е запушена единствениот избор може да биде да се фрли принтерот и да се купи нов што значи повеќе пари за производителот.

Само времето ќе покаже дали оваа технологија ќе стигне до јавноста, кој знае можеби на големите момци ќе им омекне срцето и за промена ќе почнат да се грижат за крајните потрошувачи наместо да се грижат само за профитот и ќе направат нешто што ќе им помогне на крајните потрошувачи да заштедат пари. Да не заборавиме дека тоа ќе и помогне на природата бидејќи ќе има помалку отпад во депониите.


Да видиме што ќе се случи.            

Како да сетирате безжичен принтер

Популарноста на безжичните принтери значително се зголеми во изминатите неколку години, главно поради фактот дека принтерите ги користат повеќе корисници (shared printer) и поради тоа дека можат да се постават скоро секаде. Со се поголемиот број на мобилни уреди како таблети и паметни телефони, сега ја имате моќта да печатите од каде било, се додека сте во рамките на вашиот Wi-Fi, се подразбира. Повеќето принтери што се произведени последниве неколку години се лесни за инсталирање и подесување, дури и како безжична единица, но ние имаме неколку совети и трикови за да можеме да ви помогнеме да ја завршите работата побрзо и поедноставно.

Претоставувајќи дека вашата безжична мрежа веќе функционира, потребни ви се две информации за да почнете да инсталирате принтер, а тоа се SSID или име на вашата безжична мрежа и лозинката доколку мрежата е заклучена (како и што треба да биде). Доколку ви е потребна помош околу ова, погледнете го делот „Наоѓање на вашето SSID и Password“ кој се наоѓа на дното на оваа статија.

Главниот ограничувачки фактор при инсталирањето на безжичен принтер е дали посакуваната локација ќе прима добар безжичен сигнал. Ние ви предлагаме да земете некој уред што има Wi-Fi (паметните телефони се одлични за оваа задача), дисконектирајте го од Wi-Fi мрежата и донесете го уредот точно на местот каде што сакате да го поставите принтерот. Доколку вашиот уред/паматен телефон може да ја види wireless мрежата и има добар сигнал, тогаш можете да продолжите со инсталацијата. Доколку сигналот е лош или непостоечки, треба да размислите за нова локација на принтерот или пак да го доближите рутерот до принтерот (или некоја поцентрална локација).

Било кои големи метални предмети, вклучувајќи градежни елементи како што се носачи, па дури и лизгачки врати и прозорци ќе влијаат на безжичниот сигнал. Некои постари згради кои користат мрежасти жици во деловите со гипс картон го блокираат скоро цел безжичен сигнал. Дури и премногу затворени врати или ѕидови ќе го деградираат сигналот. Ако вашиот безжичен сигнал е слаб или испрекинат, поместете го принтерот поблиску до вашиот рутер и избегнувајте пречки. Доколку ви е потребно да ја проширите вашата мрежа, постојат бустери за безжичен сигнал кои што се приклучуваат на ѕидот и дејствуваат како репетитори, продолжувајќи го сигналот од едниот крај на куќата/станот/канцеларијата до другиот.

Некои модели на принтери треба да се поврзат директно на компјутер (вообичаено постари модели што немат LCD дисплеј на принтерот), но повеќето можат да се сетираат на нивната финална локација. Доколку вашиот принтер сепак треба прво да се поврзе на компјутер за да се инсталира софтверот, тогаш можете привремено да го поставите принтерот блиску до вашиот компјутер кој веќе е поврзан на вашата домашна мрежа, така што ќе можете да продолжите со инсталацијата. Доколку имате лаптоп е секако полесно бидејќи ќе го конфигурирате принтерот на местото каде што планирате да го поставите. Долгорочно гледано, опциите за локацијата се доста флексибилни.

Поврзување на вашиот принтер

Откако ја одредивте локацијата на вашиот принтер, време е да го отпакувате и сетирате. Принтерите со LCD дисплеј, вообичаено ви овозможуваат да ја конфигурирате безжичната конекција директно од нивните менија. Принтерот ќе ги детектира мрежите што се во домет, потоа изберете ја вашата мрежа и внесете ја лозинката и скоро сте готови. Повеќето принтери овозможуваат да го „закачите“ вашиот принтер на рутерот преку жичана конекција или „етернет“, и така можете да ја конфигурирате безжичната конекција преку веб прелистувач. Други постари модели на принтери треба директно да се поврзат со компјутер преку USB кабел за да се конфигурира безжичната конекција како што веќе споменавме.

Автоматска инсталација

Откако го поврзавте принтерот со мрежата, можете да го стартувате цд-то што дојде заедно со вашиот принтер за да ги инсталирате драјверите и екстра софтверот на вашиот компјутер. Доколку не сакате да инсталирате дополнителен софтвер, изберете ја опцијата за мануелно инсталирање.

Мануелна инсталација

Некои корисници сакаат да го ограничат бројот на софтверски апликации што ги инсталираат на нивните компјутери. Тие корисници што сакаат да ги избегнат екстра програмите што автоматски се инсталираат доколку изберете автоматска инсталација имаат опција да изберат што сакаат да инсталираат преку мануелната инсталација. Една корисна забелешка: Windows 8, 7 и Vista доаѓаат со многу драјвери за принтери. Доколку наидете на проблеми при печатењето, ве молиме симнете ги последните драјвери од вендорот и инсталирајте ги пред да пријавувате било какви проблеми. Во случаи каде „сертифицирани“ Windows 8 и Windows 7 драјвери не се достапни, обидете се со користење на еквивалентните Vista драјвери.

1. Доколку се обидувате да додадете мрежен принтер во вашата канцеларија, обично ќе ви биде потребно името на печатачот. Доколку не можете да го најдете, прашајте го вашиот мрежен администратор.
2. Отворете „Control Panel“ во класичен преглед и одете во „Hardware and Sound“. Кликнете „Add a device or printer“. Од десната страна ќе имате листа на уреди што вашиот компјутер ги детектира на мрежата. Доколку е во можност да го „види“ вашиот принтер, теба да биде излистан во оваа листа.
3. Одберете го принтерот што сакате да го користите и кликнете „Next“. (Доколку вашиот компјутер е поврзан на мрежа, имајте на ум дека само принтерите кои се излистани во Active Directory за вашиот домеин се прикажани на листата.)
4. Доколку биде побарано, инсталирајте го драјверот за принтерот на вашиот компјутер со кликање на Install driver. Доколку ви е побарана администраторска лозинка или потврда, искуцајте ја лозинката или потврдете. Завршете ги дополнителните чекори во wizard-от и кликнете на Finish.

1. Start → Control Panel → Devices and Printers → Add Printer Ова ќе го покрене Wizard-от за додавање на принтери.
2. Изберете Add a network, wireless или Bluetooth принтер.
3. Windows ќе ја пребара мрежата за достапни принтери и ќе ги излистува како што ќе ги открива еден по еден. Доколку ја имате IP адресата од принтерот што сакате да го инсталирате, едноставно направете двоен клик на името на принтерот. Доколку Windows нема достапен драјвер за принтерот, ќе ви биде побаран драјвер.
4. Ако едноставно не можете да чекате, или принтерот за кој што сте заинтересирани не беше на листата изберете „The printer that I want isn’t listed“. Ова ќе ви овозможи да ја одберете IP адресата на принтерот што се обидувате да го инсталирате. Од оваа точка треба да сте во состојба да го комплетирате инсталирањето.
5. Ќе бидете прашани да го преименувате принтерот, да овозможите споделување (sharing) и да го поставите принтерот како дифолтен системски принтер. Не е препорачливо да го споделувате принтерот.

1. Отворете Printers, со кликање на Старт копчето, па Control Panel, Hardware and Sound и на крај Printers.
2. Кликнете Add printer.
3. Во Add printer wizard-от, одберете Add a network, wireless or Bluetooth printer.
4. Од листата на достапни принтери, одберете го оној што сакате да го користите и кликнете Next. Доколку вашиот компјутер е поврзан на мрежа, само принтерите излистани во Active Directory на твојот домејн се прикажани на листата.
5. Доколку ви е побарано, инсталирајте го драјверот за принтерот на вашиот компјутер. 
6. Доколку ви е побарана администраторска лозинка или потврда, внесете ја лозинката или обезбедете ја потврдата.
7. Довршете ги преостанатите чекори од wizard-от и кликнете Finish.

Кликнете Start → Control Panel → Printers and Faxes → Add Printer
Осигурајте се дека принтерот е вклучен и подготвен и поврзан на мрежата. Кликнете на Next за да го стартувате wizard-от и одберете select a Network Printer или Printer Attached to Another Computer. Кликнете Next.
Одберете Browse for Printer и кликнете повторно Next. Одберете го безжичниот печатач што сакате да го инсталирате од листата на пронајдени принтери и кликнете Next. Доколку вашиот принтер не е излистан на ова мени, можеби не е соодветно поврзан.
Ќе ви се отвори Connect to Printer диалог прозорец. Ако ви побара драјвер, може ќе треба да го пуштите CD-то од принтерот и да го најдете драјверот на него. Доколку ова е случајот, повеќето корисници би сакале само да го инсталираат драјверот и софтверот обезбедени од производителот на принтерот. Кликнете Yes и финиширајте со Wizard-от.

Пронаоѓање на вашиод SSID и лозинка

Најлесен начин за да го најдете името на вашата мрежа и лозинката е од вашиот моментално поврзан лаптоп или мобилен уред. Во Windows 7, со лев клик на иконата за безжични конекции од taskbar-от. Претпоставуваме дека не крадете интернет од вашиот сосед, така што името актуелната конекција треба да биде името на вашата мрежа. Со десен клик врз моменталната мрежа, одберете Properties, одберете го Security табот, штиклирајте го Show characters и ќе ја видите вашата лозинка.

Исто така можете да го побарате името на мрежата и лозинката во конфигурациските страни на рутерот до кои можете да пристапите преку веб прелистувач. Отворете некој прелистувач и искуцајте ја IP адресата на вашиот безжичен рутер во полето за адреси. Можете да ја најдете дифолтната IP адреса во упатството на рутерот, но најчестите IP адреси се следниве: 192.168.1.254 и 192.168.1.1 или 192.168.0.1 (Linksys, Netgear, D-Link и некои слични на нив).

Имајте на ум дека и рутерот исто така има корисничко име и лозинка. Доколку никогаш не сте го промениле корисничкото име и лозинката, проверете ја документацијата за дифолтните сетинзи или проверете ги информациите за дифолтните сетинзи на RouterPasswords.com. Во некои случаи за жал не може да се најде лозинката. Ако навистина не можете да се сетите и никој друг не ја знае, треба да го ресетирате рутерот и повторно да го конфигурирате и сите уреди што претходно биле закачени на него, повторно да ги закачите.

Што е облак печатење (cloud printing)?

Повеќето луѓе знаат дека можат да зачувуваат и извлекуваат документи од облакот (cloud), но дали знаевте дека исто така можете и да ги печатите вашите документи преку облакот? Благодарение на зголемената функционалност на паметните телефони, таблетите и другите мобилни уреди, овие уреди успеаа да станат важни алатки за бизнис корисниците. Можноста да печатите документи од овие уреди е корисна карактеристика што многу корисници би сакале да ја имаат. Сепак, голем број од овие уреди не доаѓаат со било каков нивен систем за печатење, додека оние што имаат едвај ги поддржуваат најактуелните принтери.

Печатењето од облак (Cloud printing) им дава можност на корисниците на паметни телефони и таблети да печатат важни документи од нивните уреди кои инаку немаат способност да печатат. Без воопшто да се грижат за драјвери за принтерите, има помалку загриженост за тоа како да се услужат мноштвото на мобилни уреди или како да се овозможи поддршка за постарите (legacy) принтери. Бизнис корисниците не мораат да бидат блиску до принтерот за да ги иницираат печатењата – тие можат да ги земат документите подоцна или да ги испечатат директно на принтерот на нивниот клиент или соработник за да бидат поекспедитивни и да заштедат време.

Како работи:

Печатењето од облак е неверојатно јасна работа која први ја почнаа обиди од типот на Google Cloud Print. Најголемиот пребарувачки гигант работеше напорно со години за да ја усоврши оваа технологија и ја лансираше на крајот на Јануари 2011 год. Слични и други решенија наскоро ќе се појават, а ова работи на сите мобилни уреди и користи API (Application Programing Interface, како кога споделувате нешто на Facebook или Twitter без всушност да бидете на нивните сајтови), за собирање на податоци на custom опции за печатење.

Клучот на потенцијалниот успех на оваа технологија лежи во нејзината едноставност:

1. Фајловите кои треба да се печатат се качуваат преку Интернет на Cloud Computing Service што олеснува печатење (како Google Cloud Print).
2. Со користење на веб-базирана апликација, корисникот иницира ново печатење за документи протуркани (pushed) низ облак сервисот. Достапен е широк асортиман на опции и специјални карактеристики, во завистност од API-то.
3. Припремата за печатење (printing job) е пратена од cloud сервисот до cloud aware принтер, каде што припремата за печатење се комплетира. Принтерите кои не се cloud aware мора да се потпираат на информации пратени преку Wi-Fi, Bluetooth или жичана лан конекција до принтерски сервер или до самиот принтер. Припремите исто така можат да се праќаат преку десктоп кој што е правилно поврзан со принтер.

Технички предизвици

Оваа технологија би работела најдобро со cloud-aware принтери, нова класа на принтери што ќе го направат директното печатење од облакот многу поедноставно доколку би постоеле такви принтери во моментов. Во меѓувреме, корисниците мораат да ги испраќаат нивните припреми за печатење низ обични принтери кои што се поврзани на Wi-Fi конекција или на десктоп кој што е поврзан на принтер. Ова значи дека вашиот принтер треба да биде конфигуриран коректно за да имате квалитетно и доверливо печатење.

Некои луѓе се прашуваат зошто бизнис корисниците не множат едноставно да ги пратат e-mail-овите и да остават примачите да се погрижат за печатењето. Во бизнисот времето е суштинско и секоја минута се брои во интензивни бизнис ситуации, така што имањето на брзо и разумно решение за заедничките прашања е клуч за доживување на успех. Печатењето од облак ветува дека ќе направи полесно и поудобно решавање на потребите на бизнис корисниците дури и кога тие не се во нивните канцеларии.

За еден просечен домашен корисник, може да се обложиме дека ќе го промени мислењето за тоа кога може да испечати нешто. Нели сте биле негде и сте нашле нешто на вашиот паметен телефон што сте сакале да го испечатите за да не го заборавите? Наместо тоа вие треба да одите до дома па да се сетите дека сакавте нешто да печатите па пак да го отворите документот за да можете да го префрлите на компјутерот каде што ви е поврзан принтерот и конечно да го испечатите. Тие денови може да се минато бидејќи со оваа нова технологија печатењето било каде во светот ќе стане реалност.

Како да печатите безбедно документи со HP принтер

Се сеќавате ли на вестите од технолошкиот блогер Адам Хауард и како тој открил дека постојат повеќе од 86 800 HP принтери до кои лесно може да се пристапи низ „брзо и добро стокмено пребарување на Google“ како што тој изведе. Вестата сама по себе беше вознемирувачка, но HP секогаш ги охрабрувал корисниците на нивните принтери да ги заштитат истите со поставување на огнен ѕид (firewall) , лозинки како и обезбедување на мрежни акредитиви (network credentials) само на нивните корисници со цел да се избегнат вакви појави.

Но како можете да се осигурате дека сте ги направиле потребните мерки за да бидете сигурни дека безбедно печатите документи на вашиот HP принтер? Подолу се чекорите, или подобро кажано генералниот процес за како безбедно да печатите документ на вашиот HP принтер.

Чекор 1 – Од file менито, кликнете “Print”

Чекор 2 – Кликнете “Properties” и потоа кликнете на табот “Destination”

Чекор 3 – Под карактеристиките на “Destination” одберете “Job Retention” и потоа кликнете на “Options”

Чекор 4 – Под “Job Retention Mode”, одберете “Print Job”

Чекор 5 – Внесете го вашето име, доделете име за тоа што ќе го печатите (print job) и потоа внесете го вашиот пин код од 4 цифри.

Чекор 6 – Одете до принтерот, одберете ги името што го внесовте за работата што ќе ја печатите и внесете го пин кодот.

Оваа процедура во основа е наменета за безбедно печатење на документи во поголеми компании. Од друга страна сеуште постојат многу закани кои можат да пенетрираат во системот, затоа се препорачува компаниите кои користат мрежни принтери да бидат во можност да ги надгледуваат и управуваат нивните принтерски околини со едноставно заштитување на нивните документи, со заштита на информациите како на пример енкриптирани print jobs или со користење на вградена безбедност (IPSec) за заштита на податоците кои се споделуваат во облакот.

Но покрај безбедното печатење треба да се погрижите да ги користите вистинските потрошни материјали (тонери и кертриџи) за вашиот HP принтер, како на пример високо квалитетни компатибилни тонери и кертриџи, за да бидете сигурни дека вашите принтери ќе работат без никакви проблеми. Затоа обратете се кај нас за да ви помогнеме да го направите правиот избор.

Како да заштедите мастило без да прекинете да печатите?

Дали сте запознаени со она чувство кога го губите разумот во моментот кога ќе се појави пораката – „имате уште малку тонер“? Јас сум.

Иако печатењето не е бесплатно, тоа е неопходно за секој бизнис. Потребно е да се печатат фактури, брошури и многу други документи кои треба да ги споделите со вашите клиенти или колеги, така што не можете да прекинете со печатењето.
Барајќи решенија за заштедување на мастило додека се печати истата количина на документи, пронајдов три алатки кои се лесни за користење со кои можете да се послужите и да започнете да заштедувате.

1. EcoFont

EcoFont е софтвер кој најчестите фонтови како што се Arial, Verdana, Calibri, Times New Roman и Trebuchet MS ги претвора во еко-пријателски фонтови на тој начин што става мали дупчиња во секоја буква. Овој софтвер е достапен за купување на нивната веб страна и моментално е достапен само за Windows корисници.

Доколку не сакате да плаќате за целиот софтвер, исто така можете бесплатно да симнете фонт што се вика EcoFont Vera Sans кој што можете лесно да го инсталирате во вашиот компјутер и да почнете да го користите во сите апликации како на пример Word или Adobe. Овој фонт е истестиран и дупчињата се видливи кога фонтот е со големина 14.

2. GreenPrint

Ова е моќна алатка за мерење и намалување на трошоците за печатење во претпријатијата и домовите. Со овој софтвер може да се анализира волуменот на печатење и може да се идентификуваат можности за заштеда, како на пример бројот на страни што се печатат во боја наспроти оние кои се печатат во црно-бело. Овој софтвер доаѓа со „Советник“ опција која што ги идентификува најниските опции за печатење и конечно доаѓа со „преглед“ (preview) опција со која што можете лесно да управувате со тоа кои страни од документот сакате да ги печатите. Исто така можете да бришете слики од документите или пак да наместите само одредени страни да се печатат во црно – бело.

3. Print What You Like

PrintWhatYouLike.com е вебсајт што овозможува да земете било кое URL и да го модификувате изгледот при печатење за да го отпечатите само тоа што сакате. На пример, можете да бришете реклами, слики, цели секции итн.

Дали плаќате премногу за вашите оригинални тонери?

Повеќето луѓе не знаат доволно за компатибилните тонери. Некои мислат дека компатибилните тонери ќе ја поништат нивната гаранција на принтерот. Тоа воопшто не е точно. Други веруваат дека квалитетот на испечатените страници нема да биде добар. Тоа исто така не е точно. Компатибилните тонери се произведени со истите ОЕМ стандарди на вашиот ласерски принтер. Тие гарантирано ќе бидат исто толку добри, ако не и подобри од оригиналните тонери. Тие ќе  отпечатат ист број на страници со ист квалитет.

Можеби вистинската причина, зошто повеќето луѓе не открија како да ги преполоват трошоците при купување на тонери е тоа што веруваат во она што го велат големите компании кои што произведуваат принтери. Големите принтерски компании трошат илјадници долари секоја година да ве обесхрабрат од намерата да ги купите и пробате компатибилните тонери. Што Вие мислите, од каде доаѓаат сите тие пари за реклами?

Работата е малку иронична. Дали знаете дека големите принтерски компании Ви продаваат компатибилни и преработени тонери? Проблемот е што плаќате голема цена за нивниот бренд тонер. Погледнете ја декларацијата/етикетата на пакувањето. Погледнете дали пишува „произведено од нови и рециклирани делови“... Ова доволно кажува.

Точно е дека компатибилните тонери се поефтини. Сепак тоа не е тонер со ефтин квалитет. Компатибилен тонер е нов тонер произведен од компанија што не ги произведува принтерите. Направен е од целосно нови делови. Го содржи точно тој тонер прашок што е потребен за вашиот ласерски принтер. Повеќето компании даваат едногодишни гаранции со целосно враќање на парите за нивните компатибилни тонери. Вообичаено компатибилните тонери можете да ги купите по половина од цената на новите оригинални (ОЕМ) тонери.

Јас лично бев доста среќен со отпечатоците од оригиналниот тонер. Бев сосема неподготвен да пробам компатибилен тонер. Конечно, решив дека нема да боли доколку пробам само еден компатибилен тонер. Впрочем, таков тонер чини половина од цената на оригинален.

Кога купувате оригинални тонери плаќате седум пати повеќе од цената што сте ја платиле за вашиот ласерски принтер. Ова е базирано на нормален животен век на еден принтер од пет години. Доколку вашиот принтер трае повеќе од пет години, како што повеќето принтери траат тогаш ќе платите уште повеќе.

Првото нешто што го забележав беше тоа дека квалитетот на отпечатокот од компатибилниот тонер е исто толку добар како и од оригиналниот тонер. Потоа си помислив дека нема да трае. Но згрешив. Компатибилниот тонер дури отпечати повеќе страни од оригиналниот што го имав претходно. Не само што добив повеќе страни со ист квалитет, туку и платив помалку од половина од цената на оригинален тонер. Кога добро ја пресметав цената по страна, испадна дека заштедував 70% со користење на компатибилен тонер.

Подоцна купив уште еден таков компатибилен тонер и ги добив истите резултати. Единственота работа што се промени низ годините е дека јас сега плаќам многу помалку за компатибилни тонери. Морам да признаам дека во тој голем период од десетина години имаше и еден компатибилен кертриџ и  еден тонер кои едноставно не работеа како што треба. Но компанијата ми ги замени за нови веќе следниот ден, без ништо да доплатам. Она што го научив е следново – доколку сакате да ги намалите трошоците за тонери и кертриџи на половина, купувајте компатибилни тонери и кертриџи, но има една битна работа. Купувајте ги компатибилните тонери и кертриџи исклучиво од реномиран снабдувач. Ова е навистина важно.

Доколку сакате да заштедите пари на тонери еве што треба да направите:
Проверете на интернет детали за таквите компании – колку години се на пазарот, со кои брендови работат и најбитната работа е да се распрашате кои купувале од таа компанија и дали се задоволни. На крајот секако проверете дали даваат ганранција на производите и дали би ги замениле доколку не функционираат.

Зошто печатењето не е зло.

Да, сите сме ја виделе следнава порака насекаде на Интернет – „Не го печатете овој e-mail, можете да зачувате милиони дрвја годишно.“

Не е тајна дека една од најпознатите кампањи на еко-активистите е воздржувањето од употреба на хартијата и генерално ограничување на печатењето. Оваа зелена акција ги освои меинстрим корисниците на Интернет и во целина е доста вкоренет, утврден концепт. Нашата намера не е да се конфронтираме со оваа идеја на зелената рационалност, туку да покажеме со практични примери зошто идејата за избегнување на печатењето можеби и не е толку интелигентна.

Да замислиме една училница полна со студенти на почетокот од една нова календарска година. Да претпоставиме дека професорот подготвил документ кој би требало да се користи повеќе пати во текот на годината. Знаејќи дека неговите студенти се добро запознаени и дека повеќето од нив ги користат таблет компјутерите, Мекбуковите и паметните телефони, професорот се прашува дали не би било подобро за околината да направи документот да биде достапен само во дигитален формат, наместо да им даде печатени копии на сите негови студенти.

Образложението може лесно да се одговори, следејќи едноставна формула осмислена од Џонатан Ланг на неговиот блог од Универзитетот од Торонто. Најдобрата алатка што ја имаме за да направиме споредба на влијанието врз животната средина за било кој метод е да ја погледнеме стапката на CO2.

1. Печатењето на еден лист хартија резултира во 6 грама на CO2 по страна.
2. Користење на компјутер резултира во 60 грама на CO2 во период од еден час.

Корелацијата е прилично јасна. Печатењето на документ/страница треба да се разгледува во поглед на времето кое што ќе го потрошите за да ја прочитате. Така, доколку го пресметате читањето на една страна, ќе видите дека тоа трае во просек повеќе од 6 минути според што логички, подобра опција би била да ја испечатите.

Доколку ја читате оваа статија, добра работа е да го направите тоа на компјутер, бидејќи е многу неверојатно дека ќе ви одземе повеќе од 6 минути. Сепак во многу други случаи, еден документ се чита повеќе пати или пак се дели со повеќе читатели. Еден таков пример може да биде извештај од компанијата кој ќе биде споделен со колегите, или документ кој ќе се користи како референца од студентите за одреден временски период или флаер со информации за контакт и спецификации на една куќа во продажба.

Уште поинтересен е фактот дека емисијата на CO2 може да се намали за половина доколку се користи рециклирана хартија преработен тонер. Ова значи дека мноштвото од документи е подобро да се испечатат отколку да се читаат и користат во дигитален формат.

Да не заборавиме дека хартијата е обновлив производ и дека може да трае до 500 години, додека нашите сакани компјутери се чини дека имаат значително помал животен век и за жал се изработени од многу малку обновливи материјали.

5 работи што треба да се земат во предвид при купувањето на принтер

Без разлика дали купувате во Аполо, или на друго место, купувањето на принтер може да стане голем и досаден проблем. Најмногу поради фактот дека она што го гледаме однадвор на принтерот не е ни 20 % од она што принтерот навистина е. Се разбира, секогаш можете да го прочитате листот со спецификации кој е во прилог со секој печатач, но дали навистина знаете што барате, во однос на резолуцијата и внатрешното работење?
Многумина се соочуваат со сличен проблем како овој. Еве да речеме дека барате принтер во боја кој е брз и ефтин и ќе ги задоволи барањата на еден мал бизнис. Почнете да гледате по веб сајтови и ќе видите еден куп информации кои не ги разбирате, па затоа е најдобро малку да истражувате или да прочитате некој ваков едноставен водич за купување на добар принтер.

1. Ласерски или инкџет?

Инкџет принтерите се оние принтери со течно мастило/боја што сме ги гледале со години. Овие принтери се добри, но кога станува збор за брзина и квалитет на отпечаток не се најдобрата опција. Од друга страна, ласерските принтери се побрзи и даваат подобри резултати во поглед на квалитетот поради тонерот со пудра поради кој не е потребно време за сушење и никогаш не протекува. Тие се исто така потивки од инкџет принтерите и тонер касетите можат да испечатат многу повеќе страници во споредба со регуларните инк кертриџи.

2. Бренд?

По логичниот избор дека ласерските принтери се подобри од инкџет принтерите ќе се запрашате кој бренд е најдобар. Најчестите и најдобрите производители на мали и средни принтери се: Canon, Samsung, HP, Xerox и Toshiba, но одлуката зависи од тоа колку сте спремни да платите и од искуствата на другите кои веќе ги купиле конкретните принтери.

3. Само печатење?

Постојат различни типови на принтери кои можете да ги најдете на пазарот. Најчести се еднофункционалните принтери кои можат само да печатат. Но исто така постојат и принтери со скенер и мултифункциски принтери кои вклучуваат принтер, скенер и копир. Мултифункциските принтери се лесно претпознатливи бидејќи во нивното име секогаш стојат MFP буквите (Multi-Function Printer); овие принтери се подобри за честа употреба и за канцеларии.
Значи ако ви е потребно само обично печатење на фактури за вашиот бизнис или ви е потребен за факултет тогаш веројатно не ви е потребно ништо друго освен обичен принтер. Но доколку имате потреба од скенирање или копирање тогаш сериозно размислете за MFP принтерите.

4. Безжичен?

Безжичните принтери ја имаат функцијата да го синхронизираат вашиот принтер со други компјутери со помош на Wi-Fi. Во суштина ова е корисно во ситуација кога имате повеќе компјутери кои сакате да можат да го користат истиот принтер без притоа да морате да приклучите било каков кабел, туку со едноставно конфигурирање преку Wi-Fi мрежа.

5. Скапи тонер касети/инк кертриџи?

Важно е да се фокусирате и на цената на тонерите/кертриџите бидејќи понекогаш цената на истите ја надминува цената на принтерот за помалку од една година. Има многу различни опции за купување на тонери/кертриџи без притоа да се компромитира квалитетот на отпечатоците, како на пример компатибилни или преработени тонер касети, инк кертриџи и други делови. Само запомнете дека треба да се осигурате дека добавувачот е доверлив и дека нуди добра гаранција.

Нови начини на плаќање на mojtoner.mk

На нашата нова интернет продавница mojtoner.mk овозможени се два нови начини на плаќање освен досегашниот начин со платежни картички (кредитни и дебитни картички). Сега купувачите имаат можност да плаќаат и при самата испорака на производите или со профактура. Со воведувањето на новите начини на плаќање се овозможува практично било кој граѓанин на Република Македонија да може да купува од нашата интернет продавница.

Ласерски принтер Samsung ML-2160

Принтерите се од суштинско значење за две работи – печатење извештаи и печатење белешки. Принтерот станува основна алатка за секој студент кој е активно на студии. Тоа е така бидејќи се повеќе материјалите за учење, лабораториските вежби, скриптите, задачите ( електрашите и машинците си знаат, ај и медицинарите и фармацефтите да не се лутат ;) ) се поставуваат online. Да не потсеќаме што значи да принташ во локалните факултетски и околни копирници, колку гужви има, колку ред се чека а вас ви се брза, за два дена полагате некој тежок испит. На сето ова ако се додаде дека принтањето и копирањето таму ќе ви искочи поскапо отколку дома тогаш станува јасно дека треба да си купите принтер.

Ние ви го препорачуваме Samsung ML-2160 кој чини само 2990 ден поради неколку работи. Тој доаѓа со преинсталирана тонер касета која ќе ви испечати околку 700 страни и печати 20 страни во минута што е побрзо од останатите принтери во неговата класа. Цената е еден друг фактор што оди во корист на Samsung ML-2160 како и некои дополнителни карактеристики како Easy Eco Driver кој што помага не само за заштита на околината туку и во ефикасно користење на тонерот. Ако се земат сите овие работи во предвид, јасно е дека добивате доста добри перформанси во споредба со другите принтери од оваа класа.

На следниов линк можете да погледнете кратко видео клипче посветено на овој принтер. http://goo.gl/zS8fo

Како да нарачувам на mojtoner.mk

Првиот чекор е секако да го најдете производот што сакате да го нарачате. За да го сторите тоа, кликнете на полето „Каталог на производи“.

Во полињата за пребарување внесете го моделот на вашиот принтер и/или тонер на латиница.

Во полето леве од зеленото копче „Порачај“, внесете ја посакуваната количина и потоа кликнете на зеленото копче „Порачај“. Над пребарувачот се појавува информација дека имате нарачано еден производ со вредност од 930 мкд. Продолжете со купувањето на истиот начин доколку сакате да нарачате повеќе од еден производ. Кога ќе завршите со купувањето, кликнете на полето „Вашата кошничка“

Од десна страна ќе забележите паѓачки менија. Таму одберете начин на плаќање, време и начин на испорака, внесете ја адресата на испорака, штиклирајте за согласност со условите на испорака на Аполо и кликнете „Прати порачка“

Доколку веќе имате корисничка сметка, внесете ја вашата e-mail адреса и лозинка и кликнете „Најави се“. Во спротивно, кликнете „Регистрирај се“ и направете своја корисничка сметка.

Пополнете ги сите задолжителни полиња означени со ѕвездички по можност со кирилична поддршка.

Како да се регистрирам на mojtoner.mk

Во горниот десен агол ќе забележите црвено копче „Регистрирај се“. Кликнете на него.

Тоа ќе ве однесе на нова страна каде што е потребно да ги внесете вашите лични податоци. Бидете внимателни бидејќи тие податоци ги користиме за испорака на производите кои ќе ги нарачувате. Потребно е и да го штиклирате полето дека се согласувате со општите услови за користење на mojtoner.mk.

Какви опции имаме кога ни треба тонер касета за нашиот ласерски принтер?

Во суштина имаме три опции кога ни треба тонер касета за нашиот ласерски принтер:

1. Оригинални тонери (тонер касети) или може да се сретнат и како OEM (Original Equipment Manufacturer) кои се произведени од компанијата која ги произведува и принтерите.

2. Компатибилни тонери – произведени од компанија која не ги произведува принтерите (трета страна), но изработени од целосно нови компатибилни делови.

3. Преработени тонери – наполнети оригинални (ОЕМ) тонери.

Предности и маани при користење на оригинални тонери:

+ Оригиналните ОЕМ тонери се дизајнирани од страна на производителот на принтерите конкретно за нивните принтери и без никакви сомнежи тие го даваат најдобриот квалитет на отпечатените страни со најмала стапка на проблеми.

- Цената е секогаш повисока од компатибилните и преработените тонери и понекогаш се смета дека се помалку еколошки во споредба со алтернативата на преработка на оригинални тонери.

За доверливоста на тонерите постојат четири главни фактори:

- Тонерите и покрај тоа што се нови се неупотребливи.

- Тонерите се потрошуваат побрзо од декларираното.

- Квалитетот на принтот е толку низок што отпечатената страна има ограничена употреба или е целосно неупотреблива.

- Тонери кои што протекуваат или предизвикуваат штета на вашиот принтер.

Во контекст на доверливоста оригиналните ОЕМ тонери се неприкосновени, додека за компатибилните има разни искуства во зависност од компаниите кои ги произведуваат. Секако преработуваните (полнети) тонери потфрлаат повеќе од претходните две категории.

Која е вистинската опција за мене?

Јасно е дека доколку не ви се потребни “перфектно” отпечатени страници тогаш поефтината варијанта на компатибилни/преработени(наполнети) тонери е вистинската опција, но доколку сакате доверливи и квалитетно отпечатени страни тогаш дефинитивно оригиналните ОЕМ тонери се оние што ги барате.

Мојтонер.мк

Mojtoner.mk е интернет продавница на Аполо ДООЕЛ Скопје. Mojtoner.mk ја наследува долгогодишната традиција на Аполо - компанија која што е добро позната во Македонија и соседните држави по професионализмот и експертизата која што ја има за принтери и сите типови на принтерски потрошни материјали. Бидејќи Аполо секогаш сака да се доближи до клиентите - лансирањето на интернет продавница беше неопходен и логичен чекор. Моментално mojtoner.mk испорачува само на територијата на Република Македонија. 

Mojtoner.mk

Mojtoner.mk is web-store owned by Apollo DOOEL Skopje. Mojtoner.mk inherited a long tradition from Apollo - company well known in Macedonia and its neighboring countries for the professionalism and expertise in printers and all types of printer supplies. Since Apollo is always seeking ways to get closer to all customers - launching a web-store was a necessary and logical move. Currently mojtoner.mk is shipping only in the territory of the Republic of Macedonia.